قصائد الشاعرة حصة هلال

صعدت الشاعرة حصة هلال ، التي تعتبر من أشهر شعراء المملكة ، إلى الشهرة بعد أن وصلت إلى نهائيات مسابقة الشعر الإماراتية. متزوجة من شاعر ، منحها زواجها مزيدًا من الحرية في الكتابة.

أفضل قصائد الشاعرة حصة هلال

شاعرة

بي شاعرة ما أقول عنها عظيمـه … أو ابي اقول وخايفـه ترجمونـي
يا ناس و الله ما عطى الشعر قيمه … مثل الدموع اللي ترتّـل جفونـي
مطارق الدنيـا بحرفـي وسيمـه … و أجمل من أجمل نجم ما تنكروني
و أنا صادقه والصدق يعرف حريمه … لو انكسر بالكـون مـا تعدلونـي
عصر العَوَج لامـر بالمستقيمـه … قال: أنتي العوجا مع العُوج كونـي
أنا المَرَه يـا كـل ذمـة ذميمـه … لي العصور المقبلـة واسبرونـي
عدت انولد من رحم همي واضيمه … واتلى الخطا على كل من همشّوني
لي نفس من شر المراجل سليمـه … لا تذكّـرون الشعـر وتانثـونـي
روحي مع الانسان نفسي صميمه … كم أكره التصنيـف لا تصنفونـي
و ابقى شهادة حق مانـي ظليمـه … عند الصحيح المُر ما تشوهّونـي
و إذا أندفق من جمر قلبي حميمـه … تفتن عقول الياس ثورة iiجنونـي
لي غاية باهل العقول السقيمـه … كم لوّثـوا تاريخـي وجرحّونـي

جدك طويل العمر

يا هيه جَدِك طويل العمـر … وانـا غريبـه شمالـيـه
وش تبي مني خطاك الشِعْر … حتى ولـو كنـت ريميـه
تزهاك ترفه تدوس الزَهْر … ماهـي بمثلـي شقاويـه
نومي عواري واقوم الفَجْر … واطرد ورا الرزق رجليـه
وابوي كادح مِضَْته السُمْر … ما بين عرعـر وسوريـه
يقود وضحا وراها حمْـر … بلشان طرشـه ورحليـه
يم انت جدك عظيم الامْـر … محـدٍ يقطـع هقـاويـه
تلزمْك ظبيه ربيبة قصْـر … كسـول جفـن ورخاويـه

فقيرة .. ومشهورة

أنا .. فقيرة .. و .. مشهورة … و الشعـر و الصيـت يكفينـى
يكفيـك الألمـاس يـا نـوره … على ايش .. يعني تحسدينـي
فـي نعمـة الله ومـذكـوره … و على القصايـد .. اتغبطينـي
بيدينـك الجـاه .. وغـروره … و بيديني القـاف .. وايدينـي
كبدي مـن الهـم مفطـوره … و الدمـع يشـرب دواويـنـي
بالضيـم شيخـه وغنـدوره … و.. لا .. بنت تقدر .. تجاريني
لي حرف تضربنـي سطـوره … على الوجع ليـن .. تدمينـي
قضاني العمـر .. مكسـوره … و الهـم .. يطحـن جناحينـي
واقـول .. الآلام .. ماجـوره … وارجي عسى الحـظ يمدينـي
وإذا .. الزمن شح .. بسروره … مقبول .. ما .. ينقضي .. فيي
مالي عن البخـت وقصـوره … مالي عن اللـي .. مشقينـي
والمـوت .. لابـد لـه زوره … واللي وطى الخلـق واطينـي
والشعر . ودي من حضـوره … لامت .. الايـام .. تطرينـي
راع الأدب خالـد .. بــدوره … من قال .. الاحزان .. تغنيني

تبشيرة اخصاب

عاد الشتـا يمطـر شعـوري بالأحبـاب … عـادت حكايـة جدتـي لا حكـت لـي
دق النوافـذ واسـرع يهزهـز الـبـاب … والغيمـه أحلـى جـدةٍ غـردت لــي
عندي لعشـق الغيـم أسبـاب واسبـاب … حنان اخوي .. و .. روعته لا ضحكت لي
وامـي حبيبـة قلـب فـي دفئهـا ذاب … يـوم افـردت ضلعينهـا وفرشـت لـي
والـوادي اللـي كـن جالينـه كـتـاب … فـي صفحتينـه يرتـل السيـل رتلـي
انا ووجه الغيث مـن صغـري اصحـاب … واخوض حب بعين غيمـه همـت لـي
وجه السمـا بالغيـم تبشيـره إخصـاب … كن السحابه سندسـه لا همسـت لـي
الارض لـولا الغيـث تفعيلـة تــراب … والجـدب بـه تيبيـس روحـي وقتلـي

خزاين المعنى

العلم ما يفهـق صغيـره كبيـره … والشوف ما فاد القلوب الضريـره
من لا اشهدت له نجد ماهو بشاعر … ولا نجم إلا نجم شبـه الجزيـره
وش جاب طشان القوافي والاوزان … لجـمّ وعلـوم البحـور الغزيـره
واللي مهو نجم ٍ باهل نجد مالـه … حظٍ من الايـام ولا طـول سيِـره
الجم جم ولا عطـا الجـال سـره … ما يدرك الا الله وش في ضميـره
ما كل من طرَّف من القاف يـدرك … خزاين المعنى وخـزن السريـره
عسى ذخاير نجـد مـا ينحرمهـا … متولع اللايذ علـى هـون غيـره
يلوذ بالكايد عن الهـون لا قـال … متقصوي الاطراف مقصي خفيـره
بي شاعره ما لدت لهـزل معنـى … وادوّر الجزلات لو هـي عسيـره
و مدوّر التصفيـق يبشـر بكثـره … دايم جماهيـر الصفايـق غفيـره
لي لذة ٍ في قلب واحد معي حَـسْ … إن القصيد يكـود حلـوه مريـره
وان الحياة اللي سخيـه لمجهـول … محرومها راع العلـوم الشهيـره

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى